مًــآذآ تـفعَل / تـفعَليْن ؟ حوار

مًــآذآ تـفعَل / تـفعَليْن ؟

--------------------------------------------------------------------------------














شبآب ~

كان عندك صديق عزيز على نفسك
إنت خليته عزيز و نميّـته في داخلك لين كبر
و امتدت جذوره في داخلك و هذي الجذور
إكبرت و(استقوت) حتى الأرض اللي ربت
فيها ونمى هالصديق على حسابك وطلع على
أكتافك يعني كنت له مجرد (جسر) للوصول
إلى أهدافه وعقبها هدم هالجسر وراه وماعاد
يعرفك والقهر إنه يتجاهلك يمر ما يسلـّم يذكر
ربعه وما يجيب لك طاري يعني بـإختصار
صرت بـالنسبة له (اسم نكره)

ماذا تفعل ؟



صبآيـآ ~

صديقة لك لا تشكـّين أبداً في صداقتها لك
تظنين إنها على قلبك لا يمكن تضرك ولا بـكلمة
وصلك كلام إنها تتكلم فيج (تقطعك) بالحش فيكِ
طبعاً ما إتصدقين وتظنين هالكلام مجرد إشاعات
ومحاولات للتفريق بينكم، بالصدفة سمعتيها تتحدث
عنك بنفسك محد قال لك سمعتيها تبيع وتشتري فيكِ

ماذا تفعلين ؟



شبآب ~

ضاقت بك الدنيا يوماً ما، بحت لـصديقك بـسرّك
طلب منك إنك تفضفض أو لأنك مرتاح له، فضفضت
من نفسك قال وقلت حكيت وشكيت، كنت تحسن إن
الدار أمان و(القلب) أمان مادرين إنه هالقلب (إذاعة)
وإنه سرّك استباحه هالصديق وإنه جلسة (الفضفضة)
صارت كأنها مشهد من (تلفزيون الواقع) مباحة للكل

ماذا تفعل ؟



صبآيـآ ~

صديقة ماتحبين نفسك تحبينها ماترضين عليها
(بـالسوء) وماتحبين حد يتكلـَم عنها بـأي سوء،
أخطأت ذات يوم نوع من الأخطاء القاتلة المستمرة
مارضيتي لها بالسير في هالطريق (الوصخ) حاولتي
إنك تردينها عن طريقها وتنصحينها وتبينين لها غلطتها
إنتي قلبك عليها وهي إترد عليكِ : يعني إنتي الحين
مسوية نفسك ملاك ؟!

ماذا تفعلين ؟










::


بـ صرحة يوم قريت الموضوع
و تخيّلت نفسي بهـ المواقف
يمكن من كثر الصدمة ما أنطق ولآ كلمة !


::